مع منتدى احنا اكيد وقتك هيكون احلى
 
الرئيسيةس .و .جبحـثالتسجيلدخول

شاطر | 
 

 اتنين سمعهم تقيل بيكلمو بعض ( تخيل وخش )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
~M,e,R,o,O,o~
~*~مدير المنتدى~*~
~*~مدير المنتدى~*~
avatar

عدد الرسائل : 187
العمر : 28
تاريخ التسجيل : 27/02/2008

مُساهمةموضوع: اتنين سمعهم تقيل بيكلمو بعض ( تخيل وخش )   الجمعة مارس 21, 2008 5:19 am






كان اتنين سمعهم تقيل واقفين على محطة الاتوبيس


الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزى

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد


يمر شاويش من بتوعنا ... يلفت انتباه الحوار، : بتعمل ايه يا جدع منك له!

الاتنين: ايوة يا شاويش ...احنا مستنين الأتوبيس

الشاويش :! نهاركم مش فايت .... جواسيس !!! قدامي على القسم

_________________


ارض العرب للعرب.....وحب الوطن ايمان
.................................................. ................
كل البشر انسان وكل الرسل اخوان.....موسى وعيسى ومحمد بيرفضوا العدوان
.................................................. ................
صحى قلوب الناس..صحى بها النخوه
يمكن نسينا فى يوم
ان العرب اخوه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.e7na.tk
princces rony
عضو نشيط
عضو نشيط
avatar

عدد الرسائل : 15
العمر : 24
تاريخ التسجيل : 06/04/2008

مُساهمةموضوع: رد: اتنين سمعهم تقيل بيكلمو بعض ( تخيل وخش )   الإثنين أبريل 07, 2008 2:53 pm

هههههههههههههههههههههههههههههههههههههههههههههههههههههههههه
جميله طحن ولله مستنيه اجمل انشاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اتنين سمعهم تقيل بيكلمو بعض ( تخيل وخش )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
e7na :: احنا كافية :: قسم الطرائف والالغاز والنكت والكاريكاتير والصور النادرة-
انتقل الى: